ବଙ୍ଗୋପସାଗରରେ ଘୂର୍ଣ୍ଣିବଳୟ ସୂଚନା

ପାଣିପାଗ ମଡେଲ୍‌ GFS ଓ ECMWFର କିଛି ଆକଳନ ଅନୁଯାୟୀ, ଅକ୍ଟୋବର ୨୩ରେ ଲଘୁଚାପ ସୃଷ୍ଟି ହେବା ପରେ ୨୫ ତାରିଖ ବେଳକୁ ଏହା ଅବପାତ କିମ୍ବା ଗଭୀର ଅବପାତରେ ପରିଣତ ହୋଇପାରେ। ଏହା ପରେ ଅକ୍ଟୋବର ୨୯ ବେଳକୁ ବାତ୍ୟାର ରୂପ ନେବାର ସମ୍ଭାବନା କିଛି ମଡେଲ୍‌ରେ ଦର୍ଶାଯାଇଛି । ତେବେ ଏହି ଆକଳନ ପ୍ରାରମ୍ଭିକ ପର୍ଯ୍ୟାୟରେ ଥିବାରୁ ବାତ୍ୟା ସୃଷ୍ଟି ଓ ଏହାର ତୀବ୍ରତା ସମ୍ପର୍କରେ ଏବେଠାରୁ ନିଶ୍ଚିତ ଭାବେ କହିବା ସମ୍ଭବ ନୁହେଁ । ସମ୍ଭାବ୍ୟ ବାତ୍ୟାର ଗତିପଥକୁ ନେଇ ଏବେ ଅନିଶ୍ଚିତତା ଜାରି ରହିଛି। କିଛି ଆନ୍ତର୍ଜାତିକ ପାଣିପାଗ ମଡେଲ୍‌ର ଆକଳନ ଅନୁଯାୟୀ, ଏହା ଆନ୍ଧ୍ରପ୍ରଦେଶ ଉପକୂଳ ଆଡ଼କୁ ଗତି କରିପାରେ । କାକିନାଡ଼ା କିମ୍ବା ବିଶାଖାପାଟଣା ନିକଟରେ ସ୍ଥଳଭାଗ ଛୁଇଁବା ନେଇ ମଧ୍ୟ ସମ୍ଭାବନା ଦର୍ଶାଯାଉଛି। ତେବେ ଏହା କେବଳ ପ୍ରାରମ୍ଭିକ ମଡେଲ୍‌ ଆକଳନ । ସ୍ଥଳଭାଗ ଛୁଇଁବାର ସ୍ଥାନ ଓ ଗତିପଥ ଏବେ ସ୍ପଷ୍ଟ ହୋଇନାହିଁ ।